Hlemhletna tel lo sorkar kan siam dawn - R Tlanghmingthanga

Aizawl West-II Block MNF chuan nimin khan Multipurpose & Community Hall, Kanan Vengah khawmpui an hmang a, an hun hmanpuitu MNF vice president R Tlang­hmingthanga chuan hlemhletna tel lo sorkar an siam dawn thu a sawi.

R Tlanghmingthanga chuan martar-te'n nunna an hlan chhan Pathian leh ram tana hnathawk turin MNF chu a sokar leh ngei dawn thu sawiin, "Hlemhletna tel lo sorkar kan siam dawn. Mahni ṭang­hma haina tel lo sorkar siam turin hma kan la mek a ni. MNF chu 'Pathian leh ram tan' titu kan nih angin party dang sorkarin an tih ang mai maia ram hruai thei kan ni lo," a ti.

Thusawitu dang bial­tu MLA Lalruatkima chuan Pathian leh mipui zarah Corruption avanga tlu­chhe mek kan ram tungding leh turin MNF chuan sor­karna a siam leh ngei dawn nia sawiin, "Congress sorkar, eng kawng maha mawhphurhna la ngam lo, insawifiah leh insawithiam ringawt ngaihtuah hi mipuiin thlak an duh tawh," a ti a, khua leh tuite chhiat?hata mawh la ngam mipuite'n an thlakhlelh tawh thu a sawi.

MNF thuchhuah tarlan danin, party hrang hrang aṭangin mi 517 MNF-ah lawmluh an ni.