Leilet zawla kudam sak duh lohna lantir

Champhai Nature Conservancy (CNC) chuan Thawhṭanni khan Champhai leilet zawla kudam leh in dang sak duh lohna leilet zawlah an lantir.

CNC chuan Champhai leilet zawl chu lo neih leh a kaihhnawih atan chauha hman tura tih a nih anga hman an duh thu te, sumdawngten kudam leh in an sa chu an duh loh thu te, dan bawhchhiatna a ni tih thu te, Champhai rohlu leilet tichhe lo zawnga hmasawnna kalpui tura an duh thute ziahna an keng a ni.

The Mizoram Revenue Laws 10 (6) leh 11 (1) chuan agricultural LSC, periodic patta leh garden pass a pekte chu pass pek a nihna ang taka huan thlai siamna atan ni lo thil dang atana hman a khap a ni. Champhai DC chuan he dan tlawhchhan hian khapna thupek a lo tichhuak tawh a, dan leh thupek kengkawhtute puibawm turin Task Force din a ni tawh.

DC-in khapna leh leilet zawla kudam sakte ṭhiat tura thupek a chhuah hnuah pawh kudam ṭhiat an la awm loh bakah an la sak chhunzawm zel niin CNC chuan an tarlang a, "Dan loa in dingte chu ṭhiah a, khapna thupek chu zawm a nih ngei theih nana hmalak kan duh," an ti.