Swab sample endik rûnpui

Health minister Dr R Lalthangliana chuan nimin khan Lengpui leh West Serzawla swab sample endik rûnpui neihna hmun a tlawh.

Lengpuiah mi 2,333-te swab sample endik aṭangin Covid-19 vei mi 23 hmuh chhuah a ni a, West Serzawla mi 396-te sample endik aṭangin hripui vei mi 53 hmuh chhuah a ni.

Dr R Lalthangliana chuan, "Lockdown puan a nih khan ṭangkai tak leh awmze nei zawka chêt kan rêl a, hri inkài chhàwnna chhut chah mai bakah, hri veite rang taka hmuh chhuah a, lâk hran an nih theih nan mass testing neih a ni," a ti a; an hmalaknain awmzia a nei nia an hriat thu leh hri vei zat a tlakhniam thu a sawi.