COVID-19: Mizoram dinhmun : Hripui vei 522 hmuh belh a ni

August 19, Ningani khan Mizoramah Covid-19 vei mi 522 hmuh chhuah a ni a, thla kal mek chhungin mi 12,035 hmuh chhuah a ni tawh. Nimin khan hripui laka fihlim tawh mi 860 chhuahtir an ni a, hripui vangin mi pahnih an thi.

Covid-19 vei hmuh tharte chu mipa 272 leh hmeichhia 250 an ni a; ZMC laboratory-a hmuh chhuah 29, TrueNAT hmanga hmuh 21, RAT hmanga hmuh 471 leh Fluorescent Immunoassay (FIA) hmanga hmuh pakhat an ni.

Hripui vei hmuh thar mi 552-te chu symptom nei 312 leh nei lo 210 an ni a; tualchhunga kái 547 leh tun hnaia state páwn aṭanga rawn lut panga niin, tualchhunga kái zingah kàina chin hriat loh mi 304 an awm.

IDSP record angin, Mizoramah Covid-19 vei 50,959 hmuh chhuah a ni tawh a, mipa 26,374 leh hmeichhia 24,585 an ni. Nimin tlai dar 5 thleng khan mi 44,005 (86.35%) chhuahtir an ni tawh a, mi 192 (0.38%) thi tawhin, enkawl mek mi 6,762 (13.27%) an awm.

August 19, Ningania sample endik dan chu - ZMC laboratory-ah Aizawl district-a mi 1,083, TrueNAT hmangin district pariatah 276, RAT hmangin district 11-ah 6,306 leh FIA hmangin Aizawlah 12 a ni a, a vaiin sample 7,677 a ni.

Sample endik aṭanga hripui vei hmuh chhuah 522 chu 6.79% a ni a; ZMC-ah 2.67%, TrueNAT-ah 7.60%, RAT-ah 7.46% leh FIA-ah 8.33% a ni. District hrang hranga hripui vei hmuh chhuah dan chu - Aizawlah mi 281, Kolasib-ah 93, Lawngtlaiah 46, Mamitah 26, Lungleiah 23, Siahaah 16, Champhai leh Serchhipah 15 ve ve, Khawzawlah pali leh Hnahthialah pathum a ni a; Aizawla veng 48 leh khaw 38-a mite niin, Kolasib-a veng pakua, Lungleia veng pasarih, Lawngtlaia veng panga leh Champhaia veng palia mite an lang.

Hripui vei hmuh chhuah thar mi 522 zingah naupang kum tling lo 150 chuang telin, an zingah symptom nei 80 chuangin symptom an nei a, nausén kum khat tling lo 12 awmin, a naupang ber chu ni li-a upa a ni. Kum 60 chung lam 40 vel telin, an zinga 20 chuangin symptom an nei a, kum 90 chung lam mi pahnih an awm bawk.
August thlaa ni 19 chhungin Mizoramah Covid-19 vei mi 12,035 hmuh chhuah a ni tawh a, chawhrualin ni tin mi 633.42 hmuh chhuah an awm ang a ni.

Mizorama Covid-19 vei hmuh tawh zat 50,959 chu kum 2011 chhiarpui angin, Mizorama mi 1,000 zelah hripui vei mi 46 an awm ang a ni. Nimin khan tlai dar 5 thlengin hripui laka fihlim tawh mi 880 chhuahtir an ni. Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a; ZMC-ah positive 12,230 hmuh chhuah a ni tawh a, TrueNAT-PCR hmangin 2,984, RAT hmangin 35,708, FIA hmangin 36 leh Guwahati-ah pakhat hmuh chhuah a ni tawh.

IDSP tarlan danin, August 19, 2021 thlengin Mizoramah swab sample 7,72,724 endik a ni tawh a, chu'ng aṭanga Covid-19 vei hmuh tawh zat 50,959 chu 6.59% a ni. Hripui vei hmuh tawh zinga mi 46,676 chu Mizoram chhunga kái chhâwng an ni a, mi 4,283 chu Mizoram páwn aṭanga an rawn luh hnua hmuh chhuah an ni.