Assam-a Mizo man jail-ah dah

Lailapur-a Assam police-te'n heroin a phur nia an puh vanga August 17, 2021-a an man Rotluang Bus neitu leh khalhtu F Lalrotluanga, Bilkhawthlir chu Assam jail-ah an dah.

F Lalrotluanga hi thubuai siamsak a ni a, bail-a chhuah a nih theih nan a chhungte leh Silchar Branch YMA-te'n hma an la mek nia thu dawn a ni.

Tarlan tawh angin, F Lalrotluanga hi hnam dang motor pakhata mite'n Myanmar kuhva an phurhte chu Lailapur gate phurh tlangsak tura an ngen angin a phurhsak a, Lailapur-ah police-te'n an lo endiknaah kuhva karah heroin an hmu a ni. Kuhva phurhtirtu hnam dangte chu hmuh zui tur an awm tawh lo thung.