Agriculture-a hmasawn dan tur sawiho

Agriculture minister C Lalrinsanga chuan August 21, Inrinni khan Lungleng North leh Lungleng-I khua a tlawh a, khawtlang hruaitute nen agriculture lama hmasawn theih dan tur an sawiho.

C Lalrinsanga chuan, Lungleng North leh Lungleng-I khua chu Aizawl khawpui kurtai leh thlai lama châwmtu pawimawh an nih thu sawiin, "Agriculture lama theihna ṭha tak in neih hi nasa lehzuala in chhawr ṭangkai a ṭul," a ti a; buh leh bàla intodelh a pawimawh thu a sawi.

Agriculture Minister hian Lungleng khuate'n thlai chìnna hmun an neih dan a enpui a, Dr ZR Thiamsanga, MLA-in a ṭawiawm a ni.