Khawzawl dist-a inkaihhruai dan tur rêl

Khawzawl bawrhsap CC Lalchhuangkima kaihhruaiin August 21, Inrinni khan Khawzawl District Disaster Manage­ment Authority leh Khawzawl khawpuia village task force aiawhte an ṭhukhawm a; August 22 - September 4, 2021 chhunga Khawzawl district-a Covid-19 inkhuahkhirhna kalpui dan tur an rél.

CC Lalchhuangkima chuan, Khawzawl district chu Covid-19 léng lakah dinhmun duhawm taka an din rih thu a sawi a, "Chutih rualin, inthlahdul leh inthlahdah theih a la ni lo," a ti.

Ṭhutkhawmah hian, Khawzawl khawpui páwn lama Covid-19 vei mek awm lohna khuaah chuan VTF-te'n an khaw dinhmun thlirin inkhawm theiha an ngaih chuan DC hnenah dil se, an ti a; hmun dangah chuan August thla chhung ngaihchan phawt ni se, an ti. Covid-19 dinhmun thlir chungin anganwadi hawn chungchang leh sorkar hnathawk executive duty-te duty dan pawh siam danglam a ni.

Khawzawl district-ah hian Covid-19 vei mi 113 hmuh chhuah a ni tawh a, mi 109 chu dam tawhin, enkawl mek pali an awm a, Covid-19 vanga thi an la awm lo.