MNF-in Mizo National Day an hmang

MNF chuan nimin khan Mizo Hnam Runah, 'Mizo National Day' an hmang a, MNF sr. vice president Tawnluia chuan Mizo hnam himna, dinchhuahnan leh Kristianna humhalh nan MNF-in zalenna a sual thu a sawi.

MNF Sr. Vice President chuan Pathian leh ram tana martar-te chu Zofate'n nasa taka chawimawi tur kan nih thu a sawiin, "Zofate thinlungah englai pawhin hnam thinlung kan put reng a ngai a, chu chuan kan tum ram min la hruai thleng dawn a ni," a ti.

Tawnluia chuan Mizo hnam mahni kea a din a, Kristianna humhima a awm a, Zofa zawng zawngte rorelna pakhat hnuaia kan awm theihna turin MNF din a nih thu sawiin, "Mizote'n kan chanvo dik tak zalenna kan neih theihna tura Pu Laldenga hoa MNF-in zalenna kan sual kha kan tih tur tak kan ti a ni. MNF chuan hmalam a pan zel dawn a, a bei zel dawn a ni," a ti a, a, Laldenga chuan Mizo hnam tana a inpekna leh a hnathawh rah avangin 'Hnam Pa' nih chu a phu thu a sawi

Tawnluia chuan MNF chu sorkar leh turin a inbuatsaih mek tih sawiin, "Mizo hnam kutdawh hnam min nih tirtute hian eng hmasawnna mah min hruai thleng dawn lo. Dan leh hrai bawhchhiaa kal a tam em em a, sum pelhe a tam em em bawk a ni. MNF chuan vote zawn nan ni lo, mipuite dinchhuah nan leh intodelh nan SEDP kan buatsaih a, sorkar rintlak, mipui sorkar eirukna laka fihlim kan din dawn a ni," a ti.