PWD IT Cell room hawng

PWD IT Cell room thar, PWD Engineer-in-Chief office chhawng chung bera mi chu Nilaini khan PWD secretary Lalram Thang­a'n a hawng.

IT Cell hi PWD hna computerised-na tura siam a ni a, EE (IT) hoin enkawl a ni. IT Cell hian PWD website - www.pwd.mizoram.gov.in enkawl te, Tuikhuahtlang PWD complex-a CCTV enkawl te, office chhunga computer enkawl hnate leh PWD hnaa sawiselna leh rawtna online-a thlen­na turte an thawk a ni.