Ṭha taka kawng siam dan tur sawiho

Nimin khan Lunglei DC Lalzarmawii hoin a pisa-ah SP, PWD, Tantia, Lunglei Ṭhalai Pawl leh SLT company-te chu an ṭhukhawm a, Pukpui to Tlawng inkar kawng rigid pavement hmanga ṭha taka siam a nih theih nana hmalak dan tur an sawiho.

Lunglei DC chuan Pukpui to Tlawng inkar kawng chu Lunglei bakah Lawngtlai leh Siaha dis­trict thleng a kawngpui pawi­mawh anih avangin ruahtui tlak hma ngei a chak tak leh ṭha tak a siam a ngaih thu sawiin, hmaraw ṭha zawk hmanga kawng siam turin kawng siamtu con­­tractor/ company-te a chah.

Sorkar thuchhuah tarlan danin, Pukpui leh tlawng inkar kawng rigid pavement siam hna thawk tur hian Tantia leh SLT Company chu sorkarin a thlang a, cheng vaibelchhe 2 pekchhuah tawh a ni.

Tantia leh SLT Com­pany te hian an hmanruate bun fel mekin hnathawktu 25 neiin, a dang pawh an chah belh leh mek. He kawng siam mek hna a khaihlak loh nan vawiin aṭang hian sumo chin chunglam tlan phal loh tura thupek chhuah a ni ang.

Rigid pavement con­crete catching hna hi March 10, 2018 aṭanga thawh tan tum a nih avangin hemi ni aṭang hian lirthei eng chi mah tlan phal loh tur thupek chhuah a ni ang. Lirthei khalhtute leh mipuite lo in puahchah lawk tura hriattir an ni a, harsatna dang a awm lo a nih chuan rigid pavement hna hi March 2018 chhunga zawh fel hman tum a ni.