Legal Services Camp Module sawiho

Mamit district chhung­a development scheme khawih department hrang hrangte chu, Nilaini khan DC Lalbiaksangi hoin DC conference hall-ah an ṭhukhawm a, Ma­mita Legal Services Camp Module neih tur chungchang an sawiho.

Meeting-a rel a nih dan chuan Legal Services Camp hi March 6 ah Govt Mamit College-ah hawn a ni dawn a, sorkar scheme hrang hrang mipuite hriat turin department hotute hian hrilhriatna an nei nghal ang.

Department hrang hrangte hian an department in development scheme kalphung an kalpui dan a lem nen an entir dawn a, hei bakah hian department-te hian mi­puite dawr theih tur leh an zawhnate chhang thei turin stall an siam dawn a ni.

Mipui kalkhawm­te'n hriatthiam loh leh hriat belh duh an neihte chu department stall ah hian an zawt thei ang a, department official-te kawmna hun remchang siamsak an ni bawk ang.

Legal Services Camp hian a tum ber chu mipuite tana sorkarin a duan mipui chanvo leh an hamṭhatna tur welfare legislation and scheme hrang hrang kalphung inhrilhriatna hun a nih dawn avangin, Mamit district mipuite a tam thei ang ber tel turin meeting chuan an sawm a ni.