Jon Jones hma hun a thim

UFC light-heavyweight champion hlui Jon ‘Bones’ Jones hma hun a thim zual zel - California State Athletic Commission (CSAC) chuan tun hnaia damdawi hman phal loh hmanga puh Jon Jones hi $205,000 chawi turin a hrem a, California-ah fight hmachhawn thei lo turin an hrem bawk.

Jon Jones hian Daniel Cormier chu nikum July khan UFC 214 l-ah a hneh a, mah se a hnua endik a nih hnuah American fighter hian intihchakna damdawi Turinabol a hmang tih hmuhchhuah a ni.

Kum 30 mi fighter chuan, "Engtinnge hetiang thil zawng zawng hi a thlen theih ka hre lo a, midang ang bawkin chumi hriatchhuah chu ka tum a ni," tiin hre reng chunga intih chakna damdawi hmang a nih loh thu a sawi.

Jones hi kum 2016 khan damdawi hman phal loh hman avang thoin kum khat chhung atan hrem a lo ni tawh a, tum ṭumah erawh engmah a hriat loh thu a sawi rualin US Anti-Doping Agency (USADA) hnuaia anti-doping online course zir ngei ngei tur chu zir lo a, amah buaipuitu team-in an tihsak thu a sawi.

Mixed Martial Arts fighter ropui ber pawla chhal Jones hi USADA lamin thiam loh an chantir ve leh chuan a vawi hnihna a nih tawh dawn avangin kum li thleng hremna pek theih a ni ang.