Lawngtlai-ah Legal Service Camp

Lawngtlai District Legal Services Authority bul tumin Ningani khan Lawngtlai DC office-ah Legal Services Camp buatsaih a ni a, department hrang hrang leh bank-te’n stall siamin, hmipuite’n hriat duh an neihte an zawt fiah.

Legal Service Camp puala inkhawm buatsaih chu Mizo­ram State Legal Services Authority-a member secretary Vanlalenmawia'n kai-hruaiin, khuallian Lawngtlai DC Dr. Arun T chuan camp buatsaih a ni chu lawmawm a tih thu sawiin, "Hriatna hi mihringte hnena thiltihtheihna leh huaisenna petu a ni a, mipuite’n dan hnuaia kan chanvote kan hriat a pawimawh a ni," a ti.

Camp-ah department 18-in stall an siam a, an department hnuaia scheme leh hma lakna hrang hrangte chu mipuiin chiang zawka an hriat theih tura chhawp chhuakin, zawhnate an chhang a ni.