Kolasibah ruihhlo man a ni

Kolasiba Excise & Nar­cotics dept. chuan nimin zing dar 7:30 vel khan ruihhlo nap 10 tablet 500 leh heroin bur 100 leh a nei­tua puh Lalramnghaki (44) w/o Lalmuanpuia, Khuang­puilam, Kolasib an man.

Excise & Narcotics dept. hotute hnen aṭanga thu dawn danin Lalram­nghaki hian damdawi-te hi Kolasiba hralh leh turin Bagha aṭanga a lak niin a sawi a, sahbawn bawm chhungah thukru in Diakkawn AOC tlang bula pek a tumlaiin an man sak a ni. Damdawi man te hi tualchhung rate-a chhutin Rs. 90,000 man vel a ni.