CMRF aṭangin Rs. 2,92,60,000 pek remti

Committee on Utilization of Chief Minister’s Relief Fund for Covid-19 member-te an chairman Lalnunmawia Chuaungo hoa nimina CS conference hall-a ṭhukhawm chuan, lockdown puan chhunga harsatna tâwkte ṭanpui nan leh Covid-19 veite enkawl nan Rs. 2,92,60,000 pek chhuah an remti.

Ṭhutkhawmah hian, inkhuahkhirhna avangin Aizawl khawpuiah chhawm­dawl ngai an tam thu tar­lan a ni a; AMC huam chhunga chhungkua 7,330 chhawm­dawl nan Rs. 1,46,60,000 pek chhuah remtih niin, chhungkaw pakhatah Rs. 2,000 zel pek a ni ang. District tina hripui veite enkawlna hmun hrang hrang tan DC-te kaltlangin Rs. 1,46,00,000 pek remtih a ni bawk.

CM Relief Fund aṭanga ṭanpuina sem chhuah tur hi Rs. 2,92,60,000 a ni a, a hmaa sem tawhte nen a vaiin Rs. 29,72,40,470 a tling dawn a ni.