Mizoram FSL-in kum 2021 chhungin Thil chi hrang 2,381 an endik tawh

Mizoram Forensic Science Laboratory (FSL)-ah kumin January-July (thla sarih) chhungin thubuai 523-ah thil chi hrang hrang 2,381 endik.

Thu dawn danin, FSL-in thubuai an khawihah hian thubuai pakhatah thil chi hrang hrang endik ngai a awm ṭhin. Kum 2021-ah January-July chhung khan thubuai 523-ah thil chi hrang hrang 2,381 an endik a, an endik result 89 chu Court-ah an thehlut a ni. Kumin chhung vêk hian FSL hnathawkte chu thil thlenna hmun 29-ah endik ngaite endik turin an kal a ni.