MLPC Act zir chianna report HM-ah thehlut Uluk takin kan lo en ang - Home Minister

Mizoram sorkarin Mizoram Liquor Prohibition & Control Act (MLPC Act), 2014 zir chiang tura a din, Study Group chuan nimin khan an report Home minister R Lalzirliana hnenah an thehlut. Home Minister chuan Study Group-te report chu uluk taka zirchian a nih tur thu a sawi.

Report thehluh inkhawm a pisa-a buatsaihah Home Minister chuan, Study Group-te zirchianna chu committee sang zawk Pro­hibition Council-ah enho tura thlen a nih tur thu sawiin, "A zir­chiangtute thil hmuh chhuahte hi uluk taka zir chian leh vek a ni ang. Study Group-in a zir chianna chu an rawh thehluh chauh avangin eng angin an kalpui ka la hre loa, chuvangin engtin thutlukna siam a nih dawn hriat a la ni lo," a ti.

Study Group covener Dominic Lalhmangaiha chuan sorkarin a din angin MLPC Act chu kawng hrang hranga an zir chian thu sawiin, "MLPC Act-in khawtlang a nghawng dan thlengin kan zir chiang a ni," a ti a, an report chu Home Minister hnenah a hlan a ni.

Thudawn danin, Study Team hian National Institute of Mental Health & Neuro Sciences (NIMHANS) HoD Dr. Vivek Benegal an chah chhuak a, an report-te a thlirpui a ni.

Study Team hian zirchianna hi hi hnihin an kalpui a, MLPC Act a hlawkna leh a ṭhat lohnate an zir chiang a ni. Zir chianna hian zu inten an hlawkpui leh pui loh te, zu avanga in chhungah buaina a thlen phah leh phah loh te, hnathawh a buai dan te, zu in hriselna a tih chhiah dan te, MLPC Act-in hna a siam dan leh thil dang eng emawzat a huam a ni.

Report hlan inkhawmah hian Study Group member parukte an tel a ni.