Larsapin exhibition a hmanpui

The Associated Cham­bers of Commerce and Industry of India (ASSOCHAM), Ministry of Food Processing and In­dustries (MoFPI), DoNER, Tourism leh Skill development ṭang­kawpin Guwahati-a 'Ex­hibition cum Conference Emerging North-East' an buatsaih chu nimin khan governor Lt. Gen. Nirbhay Sharma-in a hman pui.

Governor chuan India hmarchhak biala ramte chu thei leh thlai chi hrang hrangah an hausa in, food processing leh a kaihhnawih thilah hmasawnna tur tam tak a awm thu sawiin, "Mizoram chu ram ral­muang, a boruak leh lei­lung pawh thei, thlai, pangpar, spice, medicinal leh aromatic plant-te chinna atana duhthusam a ni," a ti a, sumdawnglian kalkhawmte chu Mizo­rama rawn sumdawng turin a sawm a ni.

Inkhawm hi ASSOCHAM advisor Siddharth Gautam-in kai­hruaiin, mithiamte kaih­hruaina hnuaiah panel discussion neih a ni.