Naupang chhanchhuah dan tur sawiho
Mamit District Childline Advisory Board chu nimin khan DC Lalbiaksangi hoin DC conference hall-ah an ṭhukhawm a, naupang kum 18 hnuailam harsatna neite tana chhanchhuahna hna Protection from Abuses (PFA) kalpui dan tur an sawiho.
Naupang chunga hleilenna leh ngaihsak hlawh lohna awm thei hrang hrangahte an chanvo leh an dikna hai chhuah sak tura Mamit District Childline Advisory Board hi din a ni a, naupangte dikna leh chanvote haichhuah sak an nih ngei theihnana theihtawpa hmalak an tum a ni.
Childline Advisory Board chuan hmalakna tihchak nan hian venhimna lam thawktu police-te nen thawhhona ṭha tak nena naupang harsatna rang taka chhuichhuaha thil tisualtu ten an phutawk hremna an hmuh ngei theih nan arang lama hmalak ṭhin ni se, an ti a, naupangte hamṭhatna tura hmalak a nih theihnan department hrang hrangten an mahni bil ṭheuha an programme-ah te naupangte venhimna dan kan neihte uar zawka puanzar nise, an ti bawk.