Kolasib-ah ruang chhar

Nimin zing dar 3 vel khan Kolasib Gosen Venga mahnia khawsa, Liansangpuii (62) chu a khuma thi-a hmuh a ni a, mi thah a nih rin a ni.

Kolasib Police aṭanga thu dawn danin, nimin zing dar 3 vel khan zan léng hawte'n Liansangpuii in hi inhawngin an hmu a, an koh chu a chhàn loh avangin an ṭhenawma an chhungte kai thoin inah an lut a, thiin an hmu a ni.

Liansangpuii hian a lu (a chhip veilam deuhah) hliam a nei a, hliam dang a nei lo. Liansangpuii hian eichawp dawr leh thingpui dawr a nei a, dawr bungrua leh thil dang rûk a ni loa hriat a ni a, pawisa fai Rs. 50,000 aṭanga Rs. 1,00,000 inkar vel a kawl rin niin, pawisa hi an hmu zo lo.

Kolasib Police-te chuan he thil thleng hi an chhui mek a, thu zawhfiah atan Gosen Venga mi pakhat an la a ni.