Kolasib kawngpui zauh tur sawiho

Kolasib Town Road Widening Committee chu nimin khan an chairman Zarzosanga kaihhruaiin an ṭhukhawm a; Kolasib khawpui chhunga kawngpui pawimawh pahnih - CZS point aṭanga PHE EE pisa, Electric Veng inkar leh, Park-kâwn aṭanga St. John's HSS pêng inkar zauh tur an sawiho.

Meeting chuan, kawng­pui zauhin a nghawng tur mimal, khaw­tlang leh zirna hmun­a hotute chu kawngpui zauh chungchang sawi­pui ni se, an ti a; March 14 leh 16-ah Committee Chairman hoin a hmuna enfiah an rel bawk.

Zarzosanga chuan, kawngpui zauh chu khaw mipuite tana thil pawimawh a nih avangin, a nghawng tur mimal, khawtlang leh zirna hmun­a hotute'n rilru inhawng taka an dawnsawn a beisei thu a sawi a; in sak dawnah kawngpui nêkchêp a nih loh nan lirthei dahna tur (garage) ruahmanna tel ṭhin a pawimawh thu a sawi bawk a ni.