Hripui vei mi pakhat thih belh
Nimin khan Covid-19 vei enkawl lai mi pakhat a thi a; sorkar chhinchhiah angin, nimin tlai dar 5 thleng khan Mizoramah Covid-19 vangin mi 201 an thi tawh.
H Lalhmingmawii (61) w/o Richard Hmingthanzuala (L), Chaltlang Lily Veng chu nimin chawhnu dar 2 khan hripui vangin State Referral Hospital-ah a thi a, nizan dar 7 khan an inah vui a ni. Covid-19 positive a ni tih August 14 khan hmuh chhuah a ni a, a tuk August 15 aṭangin SRH-ZMC-ah enkawl a ni.