73rd YMA General Conference A hun pangngaiah nei dawn lo

YMA Central Execu­tive Committee (CEC) member-te nimina ṭhu­khawm chuan, kumina YMA General Conference vawi 73-na, Bilkhawthlira neih tura ruahman chu hripui léng avangin a hun pangngai, October 19-21 chhunga hman theih lohah an ngai a; chutih rualin, kumin chhung ngeiin General Conference hman tum ni se, an ti.

Central YMA hruaitute ṭhukhawm chuan, YMA sub-headquarters, Khawzawl hruaitu ding laite term chu 2021-23 thleng atan pawhsei an remti a; YMA branch thar pathum an pawm.

CYMA chuan, August 31, 2021-ah kumin HSLC leh HSSLC exam-a top 10-a lang Mizote chawi­mawina buatsaih an rél a; Jal Jeevan Mission (JJM ISA) thawhhona kum khat dang atan pawh­sei an remtih bakah, CYMA leh PHE depart­ment thawhhona - tuihna humhalh leh fai leh thianghlim kalpui chhunzawm an remti bawk.