Inkhawm phalna leh phal lohna khua Mamit Bawrhsapin puang
Mizoram sorkarin a phal tawh angin Mamit bawrhsap Dr Lalrozama chuan nimin khan Mamit district-a biak-ina inkhawm phalna khua 63 leh inkhawm phal lohna khua 23 a puang. Inkhawm phalna khuaah chuan Covid-19 vei hmuh chhuah thar an awm chuan inkhawm phal loh nghal anga ngaih tur a nih thu a tarlang bawk.
Covid-19 vei mek an awm avanga inkhawm phal lohna khaw 23-te chu - Chuhvêl, Damparéngpui, Dárlâk, Dâpchhuah, Hriphâw, Hruiduk, Kânhmun, Kawrthah, Khawhnai, Léngte, Mamit, Marpara, Mualṭhuam, Pukzíng, Rawpuichhip, Réngdil, Sotapa, Thinghlun, Tuirûm, West Serzawl, West Phaileng, Zawlnuam leh Zawlpui khuate a ni.