My Aim My Target Campaign

Beti Bachao Beti Padhao hnuaia 'My Aim My Target Campaign' hmalaknain nimin khan Serchhip College-ah Serchhip district-a zirlai hmeichhiate tan Special Career Awareness Seminar buatsaih a ni a, additional DC Lalmuansanga Ralte-in a hmanpui.

Lalmuansanga Ralte chuan, ṭhalaite'n zirlai an nih lai aṭangin tum mumal tak neia lehkha an zir a ṭangkai thu sawiin, "Hna thawh tum thlan fel sa nei a, chumi pana theihtawp chhuaha kal hi a kawng a tâwiin a hlâwk ber a ni," a ti a, seminar chu hlâwk taka hman ngei tum turin zirlaite a chah. Awareness Campaign hi vawiinah Serchhip Higher Secondary School-ah neih leh a ni ang.

My Aim My Target Campaign seminar-a tel naupangte chu an thawh châk hna thlantir zel a ni dawn a, kar leh lamah an hna thlan thawk mektute nen inkawmna hun buatsaih tum a ni. Campaign hnuaiah hian North Vanlaiphai leh Thenzawlah 'Meet the IAS programme' kalpui tur a ni bawk.