ZPM-in hming lema contract pek an dem

ZPM chuan nimin khan thu­chhuah siamin, Ramhlun North leh Ramhlun South inkara kea kalna (footpath) siam hna thawktu K Lalchhuanliana, Aizawl Venglai nia tarlan chu Aizawl Venglaiah a awm lo tih an finfiah thu an puang a; hming lema contract inpek an dem thu an tarlang.

ZPM chuan, Ramhlun North leh Ramhlun South huam chhunga footpath siam mek chungchangah bialtu MLA Dr Vanlalthlana'n hna inpek dan induhsakna hleihluak tak a nih thu a puang tawh tih an sawi a, "Tender loa pek mi pali zinga pakhat chu K Lalchhuanliana, Aizawl Venglai tih a ni a, hetiang hming pu hi Aizawl Venglai huam chhungah an awm lo tih electoral roll aṭangin finfiah a ni," an ti. Hming lem hmanga contract hna pek chu sût (cancel) turin sorkar an phût a ni.