SRH/ZMC-a admit turte hriat tur

State Referral Hospital (SRH) / Zoram Medical College (ZMC) chuan local task force-te hnenah ngenna siamin, an khua/venga insawiselna nei leh Covid-19 kai rinhlelh vanga SRH/ZMC-a dah luh tur neite chu ZMC screening room phone number 9436743459-ah hriattir hmasa turin an ngen.

SRH/ZMC chuan, insawiselna (symptom) nei lo, Covid-19 vei nena contact vang emaw, chhan dang eng emaw vanga swab test ngaite chu an inkhung hranna (quarantine) hmun ṭheuhah sample la turin IDSP team biak tur a nih thu an tarlang a, "Quarantine facility-a nau pâi awm zawng zawng chu emergency-a sample test nghal vek tur a ni," an ti. SRH-ZMC-a dah luh turte ken tur an tarlang bawk a; chu'ngte chu - blanket, toothbrush, mobile phone charger, thawmhnaw, sahbawn, hrûkpuan, tui úm (bottle), no, flask leh pawisa deposit tur Rs. 3,000 - 5,000 te a ni.