HSSLC exam hun la tifel lo - CM

Chief minister Zoramthanga chuan, Higher Secondary School Leaving Certifcate (HSSLC) Examination 2020 zo hman lote exam hun turah sorkarin thutlukna a la siam loh thu a sawi.

Nimina inkhàrkhip chungchanga Assembly Annexe-a inràwn khawmnaah Chief Minister chuan, School Education department chuan HSSLC exam hun atan hian sorkarah rawtna an thlen tawh thu a sawi a, "Rawtna an rawn thlen a, sorkarin ngaihtuah tur a ni. Sorkarin a la ngaihtuah lo a, boruakte thlir chungin ngaihtuah a ni ang," a ti.

Tarlan tawh angin, June 3, 2020-a School Education minister Lal­chhandama Ralte hoa official-te ṭhukhawm chuan HSSLC exam hun atan June 16, 17 leh 18 an rawt a ni.