Hripui vangin mi 202 thi tawh

Covid-19 vei enkawl lai Valbuanga (62) h/o Lalhlupuii, Edenthar Veng, Aizawl chu August 25, Nilaini tlai dar 3:30 khan State Referral Hospital-ah a thi a, hripui vanga thi 202-na niin, an ina lumen a nih hnuah nimin khan vui a ni.

Edenthar Veng YMA hruaitute hnen aṭanga thu dawn danin, Valbuanga hi cancer nei sa a ni a, Covid-19 vaccine la kim tawh a ni. Covid-19 positive a ni tih August 6, 2021 khan hmuh chhuah a ni a, SRH-ZMC-ah enkawl nghal a nih thu sorkar thuchhuakin a tarlang.

Sorkar chhinchhiah angin, nimin tlai dar 5 thleng khan Mizoramah Covid-19 vanga thi mi 202 an tling tawh a, August thla kal mek bikah mi 54 an thi tawh a ni.