MDOA-in CS chawimawina hlan

Mizoram Departmental Officers Association (MDOA) chuan chief secretary Lalnunmawia chu mahni tana pawi tur pawh ngaihtuah loa a theihna zawng zawng sénga ram leh hnam chhan nan a bei ṭhin nia ngaiin nimin khan chawimawina thuchei, tawlhlohpuan leh thangchhuah diar an hlân. Lalnunmawia chuan, MDOA-te'n ram tana a hnathawhte hriatsak a, chawimawina an hlan chu lawmawm a tih rualin, phu lo a intih thu a sawi a, "Mizoram sorkar hnuaiah officer fel leh rintlak tak tak, khawi hmunah pawh zahpuiawm bik lo tur tam tak an awm niin ka hmu. Mizote hi kan tih tak tak chuan hnam dangte aiin kan nêp bik lo a ni," a ti.