Cheng nuai 35 hù heroin man

Lungleia Excise & Narcotics department mite chuan nimin zing 3:30 vel khan Mualṭhuam North dáiah heroin hawng 70 an man a; ruihhlo hi cheng nuai 35 vel hùa chhût a ni.

Excise & Narcotics enforcement-te chuan heroin an mana inhnam­hnawiha puh mi pali - Eric C Lalrokima (28) s/o Lalsangpuia leh C Rohluzuala (33) s/o C Lalthanzauva, Theiriat ve ve, Remruatpuia (23) s/o Rokunga, Lunglawn leh ZD Lalramnghinglova (28) s/o ZD Muanzauva, Zobawk Vengthar nia insawite an man nghal a; ruihhlo an phurhna Scorpio MZ-02 B-3717 an man bawk. Mi palite chu nimin khan court-ah hruai nghal an ni.