K Beichhua'n Central hotute a kâwm

Minister of state Dr K Beichhua chuan nimin khan Delhi-ah NITI Aayog adviser (North East) Dr Prem Singh leh DoNER secretary Dr Inderjit Singh te a kâwm.

Dr K Beichhua chuan, Mizoram sorkar department hrang hrang tana Asian Development Bank funding tura project an siamte chu Mizoram dinhmun hre reng chunga enfiah a, a hma thei anga bawhzuisak turin NITI Aayog Adviser a ngen a; Dr Prem Singh chuan, a rang lama bawhzuisak a tum thu a lo hrilh.

DoNER Secretary hnenah project an thehluh tawh, sanction la hmuh lohte chu a hma thei anga sanction a nih theih nan bawhzuisak turin Dr K Beichhua chuan a ngen a; DoNER Secretary chuan, project proposal kimchang leh felfai ṭhate chu a hma thei ang bera sanction tura hmalak a nih tur thu a sawi a ni.