MSU-in minister-ah school fee an thlen

Mizo Students’ Union (MSU) Gen.Hqrs hruaitute chuan, Covid-19 lockdown chhunga private school eng emawzatin sorkar thuchhuak 'Private school-te’n lockdown chhungin school fee 50% aia tam lo lâk tur' tih zâwm lo sikulte chungchang nimin khan School Education minister 

Lalchhandama Ralte an sawipui.

MSU thuchhuah chuan, April-May thlaa school fee lak chungchanga sorkar thuchhuak zâwm lo sikulte an thlithlai reng thu leh June thla fee lak danah pawh sorkar thuchhuak zâwm lo nawnte chu a ṭul anga an sikul license tihtawp leh khâr thlenga hma la turin School Education Minister an ngen tih a tarlang.

An thu thlen bawhzui hian sorkar order thar siam a nih tur thu Minister hian MSU hruaitute a lo hrilh a ni.