Mizoram sorkarah ṭanpuina hlân

India Formosa Foundation (IFF) leh Tzu Chi Foundation, Taiwan-te chuan Mizoram sorkar hnenah Covid-19 dona hmanraw chi hrang hrang an pe a, nimin khan Aizawl West YMA Joint YMA Multipurpose Hall, Vaivakawnah IFF chairman Jonathan Lalremruata'n Health minister Dr R Lalthangliana hnenah a hlân.

IFF Chairman chuan, Mizorama district pariat­ah Covid-19 léng vanga harsatna tâwk chhungkua 20,000 ṭanpui turin hma an lak mek thu a sawi a, "Chhungkaw 16,000 vel ṭanpuina pek a ni tawh a, chhungkaw 4,000 vel pe leh turin kan inruahman mek a ni," a ti a; Bitcoin Foundation, USA kaltlangin oxygen concentrator leh venti­lator ṭhahnem tak an chah mek thu a sawi bawk.

Nimina Health Minister-in hmanrua a dawnte chu PPE 10,000, N-95 mask 10,000 leh hmai khuhna (face shield) 10,000 a ni.