Hmai tuamna awrh/bah phal a ni lo

Disaster Management & Rehabilitation (DMR) department chuan, hmai tuamna (face mask) vuah chungchangah ni­min khan thuchhuah a siam a; hmui/hmai khuh loa khabe hnuaia hmai tuamna awrh/bah satliah chu phal loh a nih thu leh hmai tuam anga ngaih a nih loh thu an tarlang. 

DMR tarlan danin, The Mizoram (Containment and Prevention of Covid-19) Ordinance, 2020 hnuaia Section 4(1)-ah puipunna leh vantlang hmuna hmai tuam loh chu dan bawh­chhiatna a nih thu leh Section 5(1)-ah chumi bawhchhetu chu Rs. 100 chawitir theih a ni tih tarlan a ni a; chuvang chuan hmui/hmai khuh loa khabe hnuaia hmai tuamna dah satliah chu dan bawhchhiatna leh pawisa chawi theihna a ni.