CYMA-in ṭan la turin a ngen
Central YMA chuan thuchhuah siamin, Mizorama khauh zawka chawlhkar hnih chhung inkhàrkhip turah YMA sub-headquarters, group leh branch-te chu ṭhahnemngai taka ṭan la tur leh sorkar hmalaknate thlâwp tlat turin an ngen.
CYMA thuchhuah chuan, Covid-19 hripui léng mek vangin Mizoramah hri vei mi 41 an awm mek tih sawiin, "Hripui hi a darh zel loh nan fimkhur taka chen ho kan zir tlan a ṭul hle. Chief Minister hoa hmalakna chungchang sawihona vawiin (June 8)-a neih chuan inkharkhip khauh zawka kalpui ni se tiin a rél. Inkharkhip hi kar hnih chhung atan hman phawt a ni ang a, zanin (nizan) dar 12 aṭangin hman ṭan tura ruahman a ni," a ti.
CYMA thuchhuak dang
1. State páwn aṭanga lo hawte inkhàrkhip hun chu ni 14 aṭangin ni 21 chhung atan pawhsei a ni.
2. In lama inkhàrkhip hi loh theih loh leh natna bik neite an nih loh chuan kalpui loh tur a ni e.
3. Inkhàrkhip kalpui dan tur hi khawpui leh thingtlang atan ruahmanna siam a ni dawn a, sorkar thuchhuak ngaihchân ni se.
4. Mahni awmna veng/khua ṭheuhah task force tichak turin nasa zawka ṭan lâk ni se.
5. Kan ram leh hnam himna hi kan kutah a awm tih hria a, ṭhahnemngai taka ṭan la tur leh báng loa ṭawng-
ṭai turin kan inngen e.