Khàma tla chhan chhuah a ni

Nimin zing dar 4 vel khan Chawlhhmun leh Tuivamit inrìna aṭangin Phunchawng leh Rangvamual inrìna lai vel khâmah tlangval pakhat a zuangthla nia hriat a ni a, Chawlhhmun Branch YMA-te'n an en chian hnuah Andrew Laltluangkima, Maubawk tih hriat niin, hliam na tak a tuar.

Thu dawn danin, khâm a khawkrawk avang leh a thûk avangin Central YMA Disaster Response Team pun a ni a, Maubawk leh Tuivamit branch YMA-te nen ṭanghoin chhan chhuah hna thawh a ni. CYMA hmanrua 'Hruaitluang hlâng' hmangin hruai chhuah a ni a, damdawi-in panpui nghal a ni.