Tuizémah mi pali an thi

VL Siama Parte, Kolasib Diakkawn fapate pathum chu nimin chawhnu lam khan an inhnuaia tuizem siam an tumna lamah an thi a, anmahni chhan chhuah tumtu mi dang pakhat a thi bawk.

Kolasib Diakkawn YMA hruaitute hnen aṭanga thu dawn danin, nimin chawhnu lam khan VL Siama fapate pathum - Andrew Vanlalhruaia (40) leh a phìrpui Albert Vanlalhriata leh an nau William Lalduhawma (36)-te chuan an in hnuaia RCC tuizém siamna slab dona pheh tumin tuizem chhungah an lut a ni. An reh rei avangin enfiah a ni a, enfiah turin an ṭhenawm hnaia mi Lalchhuanliana (60) a lut ve leh bawk.

A hnuah mi inpun khawmin an pali hian lak chhuah an ni a; Kolasib District Hospital panpui nghal ni mah se, an vaiin an thi vek a ni.

An thih chhan hi boruak (oxygen) tlâk­chham vang nia ngaih a ni a; tuizém hi a láiah bangin ṭhen a ni a, a luhna kua a zau loh bakah a chhunga tui a awm avangin boruak ṭha a tlem nia hriat a nih thu a sawi.