Minister-in fish seed farm a tlawh

Sangha no tihkeuna fish seed farm pathum - North Chawnpuia Ruattei Fish Seed Farm, Chemphaia Mizofa Fish Seed Farm leh Ngente Fish Seed Farm-te chu nimin khan Fisheries minister K Lalrinliana'n a enfiah a, an hmalaknate lungawithlak a tih thu a sawi.

K Lalrinliana chuan, SEDP kaltlanga sangha vulhtute tihhmasawnna tura hmalakna atan fish seed farm pasarih aṭangin September 2021 chhungin sangha no 45,00,000 sem tum a nih thu a sawi a, "Ram chhunga sangha thar ngei sem a ni tur hi a lawmawm tak zet. Fisheries department kaltlanga SEDP hnuaia hmalaknaah sangha no man 70% chu sorkarin a tum dawn a, sangha vulhtute'n 30% chauh an tum ang," a ti.

Ngente Fish Seed Farm aṭangin sangha notê 6,50,000, Mizofa Fish Seed farm aṭangin 4,25,000 leh Ruattei Fish Seed Farm aṭangin 7,00,000 sem chhuah tura ruahman a ni.