Thu dik lo thehdarh chhui mek

Mizoram Police hnuaiah sub-inspector leh constable lak a nih tur thu tun hnaia thehdarh chu thu dik lo a nih avangin police-te'n an chhui zui mek. Police-te chuan thu dik lo leh advertisement dik lo thehdarh lakah fimkhur turin mipui an ngen.

Police thuchhuah tarlan danin, tun hnaiah Mizoram police sub-inspector leh constable hna ruak awm dil theih angin webpage pakhat www.fresherjobnearme.com (link https://fresherjobnearme.com/m... )-ah tarlan a ni a, chu chu thehdarh a ni. Webpage-ah hian SI leh constable hna (contract/consolidated pay basis) online hmanga dil theih a nih thu tarlan niin, Mizoram Police-in notification a chhuah anga ziah a ni.