Serchhip dist-ah HIV+ve 29 hmu chhuak

Nikum April thla aṭanga kumin January thla thleng khan Serchhip district-ah HIV hrik pai hmuh chhuah thar mi 29 an awm a, an zinga panga chu nu, nau pai an ni.

March 6, Thawhlehnia Serchhip CMO conference hall-ah ruihhlo ngawl veite'n an sim theih nana enkawl dan zirhona buatsaih a ni a; CMO Dr Laldawngliana Sailo tarlan danin, April 2017 aṭanga January 2018 thlenga thisen endik zat chu mi 3,789 an ni a, chu'ng zinga mi 29 chu HIV+ve an ni tih hmuh chhuah a ni.

Mizoram pumah thisen endik aṭanga HIV+ve percentage chu 1.19% a ni a, Serchhip district bikah chuan 0.4% a ni. North Vanlai­phai bikah chuan thisen enfiah mi 341 zingah HIV+ve an awm lo.

Zirhonaah hian medical officer Dr C Zodinmawii'n OST chungchang a sawifiah a, "OST hi drug ngawl vei tawhte simtir tura hmalakna, damdawi an tih loh vanga an an tawrhna chhawktu tur ni bawk a ni a, chuti chungin kan enkawl 50 chuang zingah ṭha taka la duh chu 10 vel chauh an ni," a ti.