KHAWTHLIR

Book Donors' Meet
MJA Public Library Sub-Committee chuan March 15, 2018 khian MJA Public Library-a a thlawna lehkhabu petu (donor)-te hnena lawmthu sawi nan 'Book Donors' Meet' a buatsaih dawn a, he hunah hian MJA Library-a lehkhabu petute chu tel ṭheuh turin an sawm. Meet-a tel thei turte chu phone no. 9436141035 / 8794665730 / 8794665730 / 7005705884 / 9862836781 leh Aizawl Press Club-ahte inhriattir turin an ngen a ni.

Kawng khâr dawn
PWD chuan March 9, Zirtawpni zan dar 7 aṭangin Vaivakawn, Hunthar Vegn pêng zauh hna an thawh chhunzawm dawn a, hei vang hian hna thawh chhung chu kawng khar a ni dawn tih Traffic SP-in a puang. Lirthei kal theih loha kawng khâr hian hna thawh zawh hma chu a huam dawn a; chhiatrupna leh rîkrum thila duty leh dan leh thupek pawimawh bika duty-te chetvelna erawh a huam lo.

Heroin man
Champhai Police-te chuan March 6, Thawhlehni zing khan Champhai Vengthlangah Biakmuani (32) d/o Kaphnuna, Champhai Vengthlang scooty khalh lai aṭangin heroin hawng 10 an man. Heroin hi tualchhunga hralhna ang chuan Rs. 5,00,000 man a ni a; Biakmuani hi Court-a hruai a nih hnuah jail-ah dah luh a ni.

Child right zirho
SCERT hnuaia Child Right Protection Cell chuan nimin khan SCERT pisaah Mizorama DIET lecturer-te pualin naupangte danin a humhalhna te, an himna tur te, rilru hriselna leh naupang venhimna inkungkaih dan te, naupang venhimna tura (skill base) pawimawhnate leh childline hman ṭangkai theih dan tur zirna an buatsaih.

Study tour
New Economic Development Policy (NEDP) bultumin IPR departmentg chuan Mizoram Civil Pensioners Association (MCPA) member-te tan studu tour an buatsaih a, nimin khan Champhai district-a sorkar hmalakna hrang hrangte leh pípúte sûlhnu pawimawhte an fang. Study tour-a tel MCPA member-te hi mi 13 an ni.