Serchhipa Smart Water Solution hawng

Serchhipa Smart Water Solution (computerised billing) chu nimin khan PHE executive engineer F Lalsanglura'n PHE Serchhip WATSAN Division pisa tualah a hawng.

F Lalsanglura chuan, Smart Water Solution chu Serchhip khawpui chhung tana buatsaih a nih thu a sawi a; PHE department hmalakna leh hmasawnna hrang hrang sawiin, department-in hmasawnna kawng tam taka a neih chhan chu thawktute an thawh ṭhat vang a nih thu a sawi.

PHE SDO K Lalrintluanga chuan, Smart Water Solution chu a buaipuitu company-te'n an peih hman chuan April 2018-ah hman ṭan tum a nih thu a sawi a; Serchhip khawpui chhunga bill counter hrang hrangah computer set dah a, la thlunzawm vek tum a nih thu a sawi bawk.