Mamit College khâr dawn

Mamit College Students' Union chuan thuchhuah siamin, Mamit College-a assistant Sapliannguri, Divisional Forest Office, Mamita thawk tura sawn a ni chu pawi an tih thu an tarlang a; hemi chungchanga an ngennate sorkarin a tihpuitlin loh avangin vawiin aṭangin college an khar dawn tih an puang.

Mamit College SU chuan, Sapliannguri transfer order sût turin Higher & Technical Education minister R Romawia leh bialtu MLA John Rotluangliana, minister-te hnenah ngenna an thlen tawh tih an sawi a, "Kan ngennain awmzia a neih loh chuan kan ngenna leh duhnate tihhlawhtlin a nih theih nan March 9, Zirtawpni aṭangin tiam chin awm loin Mamit College khâr a ni dawn," an ti.