Sentetfiangah Chokhlei Kût hman a ni

Lawngtlai district-a Sentetfiang khuaah, nimin khan Mizorama a vawi khat nan Chokhlei Kût (Rhododendron Festival) hman a ni a, Governor Lt.Gen. Nirbhay Sharma-a'n a hmanpui.

Governor chuan, Mizorama a vawi khat nana Mizorama tualṭo pangpar chhawkhlei hming chawia kût buatsaih a ni chu lawmawm a tih thu a sawi a; Chokhlei Kût chu state dang kût hmingthang tak takte el pha thei tur khawpa beiseiawm a nih thu sawiin, chutiang ni thei tur chuan ṭan la turin kût dâwltu district mipuite a chah.

Chokhlei Kûtah hian Lawngtlai bawrh­sap Dr Arun T-in inlawmna thu a sawi a; Lai Autonomous District Council sorkara hotute pawh an tel. Lawngtlai district-a zai­thiam lârte an zai a, hnam làmte entir a ni. Kût hi vawiinah chhunzawma zawh a ni ang.