North Vanlaiphai-ah RTI Act inzirtir

Mizoram Information Commission (MIC) leh North Vanlaiphai Joint YMA chuan nimin khan N. Vanlaiphai-a Lersia Hall-ah Right to Information (RTI) Act chungchang inzirtirna an buatsaih a, chief information commissioner Lalduhthlana Ralte khuallian a ni.

Inkhawm hi North Vanlaiphai Joint YMA vice president Rokhawm­thanga'n a kaihruai a; CIC Lalduhthlana Ralte chuan, RTI Act chu ram inrelbawlna kawngah mi tinin an chanvo dik tak an chan ngei theihna tura humtu dan a nih thu sawiin, "RTI Act hriat chian hi kan tihmâkmawh ani a, a neitu pawh mi dang ni loin, he rama vote thlak thei zawng zawngte hi an ni," a ti.

RTI Act awareness campaign-ah hian MIC secretary Vanlalngena chu resource person a ni a; vawiinah Biate-ah neih leh a ni ang.