FMGEW-in conference an hmang

Sorkar hnathawk pawl hrang hrangte intel khawmna, Federation of Mizoram Government Employees and Workers (FMGEW) chuan nimin khan Vanapa Hall-ah General Conference vawi 30-na an hmang a, Finance minister Lalsawta khuallian a ni.

Lalsawta chuan, FMGEW chu ram mipui­te tana hna thawk tur leh ram innghahna ni tura intêl khawm an nih thu sawiin, "Ram hnuk khawihtu tak tak an nih avangin sorkarin a ngai pawimawh a, an rawtna siamte leh harsatna an thlen a theih chin chinah a chinfelsak ṭhin," a ti.

7th. Pay chungchang­ah Finance Minister chuan, 7th. Pay chu sorkar hnathawkte pek ngei an nih tur thu a sawi rualin, pek hun erawh chiang taka sawi theih a la nih loh thu a sawi.

FMGEW president Ramhmangaiha Ralte chuan, an pawl chu sorkar department hrang hranga thawk, mamawh leh harsatna inang lo tak tak an ni chungin, sorkar leh ram ṭhatna tur, an zavaia mamawh inang thil tam tak a awm avangin inhlawm khawm thiam a pawimawh thu a sawi a, "Sorkar hnathawkte hi mahni hna ṭheuh rinawm taka an thawh hian Mizoram hi ram nuamah an siam thei a, hnaah tê lua leh lian lua a awm loa zavaia thawhhona ṭha a pawimawh a ni," a ti.

FMGEW General Con­ference-ah hian chawhnu­ah rorel inkhawm neih a ni a, MJA kaihhruaiin hruaitu thar an thlang bawk.