IR kan lakte kha tun hun atan a ni -Tawnluia

MNF sorkar laia Home minister Tawnluia, MNF senior vice president chuan nimin khan Mizo Hnam Runa inkhawmah thu sawiin, MNF sorkar laia IR police battalion pali an lakte chu tunlaia ramria buaina thlenga duty tura lakte an nih thu a sawi.

Tawnluia chuan, Assam Police leh officer-ten Mizo ṭhalai rualte rálthuam nena vau a, tiang hmanga an sawisak chungchang chu tuna Mizo mipui mit fûkna a nih thu a sawi a, "Mizoram sorkarin a ngaihsak duh hauh lo. Keini hi kan ngawi mai mai dawn lo. Kan hotute leh ṭhalai rualte'n engkim an thlithlai reng a, an vil reng a ni," a ti.

MZP-in nimina Mizo hnam hnatlang a koha tel turin MNF hruaitu eng emaw zat chu K Sangṭhuama, MLA hoa an thawh thlak thu sawiin Tawnluia chuan, "Kan hun laia IR battalion pali kan lakte kha hetianga ramri buai atana kan lo buatsaihte an ni," a ti a; Assam Police-ten Mizo ṭhalaite chunga nasa taka kut an thlak chung pawha Mizoram sorkar hotute an ngawi reng chu an dem thu a sawi.