All party & NGO thuchhuah
March 10, Inrinnia Bairabi Zophaiah Assam police-te'n Mizote laka silai an hmeh puah leh mi ṭhenkhat an hliam chungchangah chief minister Lal Thanhawla chuan Inrinni chawhnu khan CM banglaah
Mizorama political party leh tlawmngai pawl zawng zawng hruaitute a ko a; buaina chhuak chungchang an sawiho.
All party & NGO meeting-ah hian political party aṭangin Congress, ZNP leh BJP aiawh an tel a, party dang aiawh an tel lo; NGO aṭangin Central YMA aiawha an tel. Meeting chuan, Assam police-te'n Mizo zirlaite vua a, silai an hmet puak leh thisen an chhuah chu an dem tak zet thu an tarlang.
Meeting chuan, zirlai leh mi dang hliamte chu zangnadawmna pe ngei tura Assam sorkar an phût bakah, kut thlaktute chu chhui chhuak a, hrem ngei turin Assam sorkar an phût a; chutih rualin, "Mizoram humhalhna vanga zirlai hliam tuarte hi an inelkawlna senso Mizoram sorkarin tumsak rawh se," an ti.
"He thil thleng hi hnam danga Mizote ṭan rual hun a nih avangin, political party tinte'n inchirhtheh nan hmang lo tur leh buaina tipunlun zawnga che lo turin mi tin kan ngen a ni," an ti bawk.