KHAWTHLIR

MJA meeting
MJA general headquarters chuan vawiin chhun dar 12:30 hian Aizawl Press Club-ah General Body Meeting an ko a, Aizawla MJA member zawng zawngte tel turin an hriattir. He meeting-ah hian tun hnaia Mizoram journalist-te'n Assam police-te kut an tawrh chungchanga hmalak dan tur an ngaihtuah dawn nia hriat a ni.

Thisen pe
Tuikhuahtlang Branch KṬP chuan KṬP Day pualin March 10, Inrinni khan an kohhran hall-ah blood donation camp an huaihawt a, KṬP member mipa 23 leh hmeichhia parukte'n Synod Hospital tan thisen unit 29 an pe. Adventist Youth Fellowship, Lunglei-te pawhin Lunglei Civil Hospital tan thisen unit 10 an pe a, a petute mipa paruk leh hmeichhia pali an ni.

Pawlte'n an dem
March 10, Inrinnia Bairabi Zophaia buaina chhuak chungchangah Mizorama pawl hrang hrangin thuchhuah an siam a, Assam police-te kut tuara hliam Mizote zangnadawmna pe turin Assam sorkar an phût. Thuchhuah siamtute hi Central YMA, Students’ Self-Support Union, Mara Students' Organisation, Pang Zirlai Pawl, Hmar Students' Association, Mizoram Merchant Association, MNF ṭhalai, PRISM leh pawl dangte an ni. MIMA hian Mizo sumdawngte chu buaina denchhena an dawr bung­rua an kawl sate tito lo turin an hriattir a ni.

Vahrit humhalh
Synod Hospital thuneitute chuan, Synod Hospital compound chhungah Vahrit pachal a awm tih an tarlang a, "A ngam hle a, quarters kawtahte tláin chaw a zawng ṭhin a, Vahrit hi tumahin kut thlak lo tur leh min humhalhpui turi mi tin kan ngen a ni," an ti.